新報
B03 | 新報財經 | 中環物語 | By 糖糖 2011-07-07
中國想栽培世界級基金
個市就係咁架啦，一係就水盡鵝飛，搞到啲財經編輯嗌晒救命，要周圍揾新聞，一係就一次過堆埋嚟，搞到有氣無掟抖。噚日就係後者喇，前國家主席江澤民仙遊、人民銀行又宣布加息、滙豐亦趁熱鬧上調按息，一次過湧埋嚟，對今日個大市有乜影響呢？有分析員認為，最多跌300點到，之後會喘定，咦！想低位執便貨嘅朋友真係要睇實個市喇。
好多公司企業都會搞飯局，一方面同傳媒聯絡下感情，另一方面就發表公司消息。噚日基金公會搞咗個午宴，一眾行家準時到場，去到現場發覺有啲唔對路，原來所謂飯局，係基金公會邀請啲基金經理食飯，而記者唔該坐埋一邊齋聽。
有部份行家見到咁嘅環境索性走人，糖糖雖然都係空肚，但難得有咁多基金經理在場，一於聽下佢哋講乜。後來到咗問答環節，只有小貓三兩隻手舉手發問，於是乎有行家舉手預備問問題，點知公關姐姐突然出嚟阻止，原來呢餐午宴傳媒唔單止無得食，就連問問題都唔得，唉，真係揾食艱難。
藉小QFII培訓人材
講返個午餐會，會上Z-BEN商務諮詢董事張磊德（Peter Alexander）話，相信不出5年，就會有間世界級嘅基金公司喺中國出現，而據佢所講，呢個亦都係點解中央要搞「小QFII」原因。佢話點解要無喇喇畀錢外國公司賺先，無非係想培訓中資投資機構人材，等佢哋喺香港吸收下經驗，等將來可以做到世界級機構。
Peter仲話，開放「小QFII」俾中資機構仲有另一層意義，由於依家外資只能透過「QFII」投資內地，擁有額度嘅外資行因而可以收取較高投資費用，而當加入「小QFII」後，投資費用收入可部份轉移到中資機構，幫助內地企業增加盈利，並透過加強競爭，另整體收費水平可以降低。所以幾時都話，阿爺做嘢係自然有佢嘅意思。
http://tongtong-hkdn.blogspot.com/
2011年7月7日星期四
現代教育股號獎勵學生 2011-07-06
新報
B04 | 新報財經 | 中環物語 | By 糖糖 2011-07-06
現代教育股號獎勵學生
●現代教育（1082）星期一剛剛喺主板上市，呢間公司嘅客戶就係廣大嘅學生哥喇，為咗報答呢班老闆，現代教育喺Facebook上宣布，只要現有學生身份證號碼有1、0、8、2其中一個數字，並喺fb上留言，講下對現代教育上市後嘅期望，講得最好嗰10位同學仔，就可以獲免費獲得Philips電子相架與眾同樂。
![]()
如果係一般投資者，梗係希望上市後股價可以好似摩天大廈咁升到高一高啦，不過由於今次對象係學生哥，糖糖見到啲學生留言，大部份都係話希望現代教育最好減學費，唔好收咁貴，有啲就話千其唔好再加學費。哈哈，不過如果現代教育真係減學費，到時班小股東又唔肯過你啫！
渣打推介人幣戶口
●渣打銀行個「My Dream Account」一向都好受歡迎，無它嘅，因為佢哋一路都同迪士尼合作，送限量版迎新禮物。而為咗與時並進，佢哋宣布推出「My Dream Account」人民幣儲蓄戶口，希望戶口數目同存款可以喺未來1年攞到好成績。
梗係啦，人民幣匯率由嚿年6月到今年6月，足足升值咗4.7%，呢個人仔「My Dream Account」戶口，不單可以有高啲利息回報，而且仲可以食住條人民幣升值概念，幾好呀。咦，中國好友商品大王羅傑斯一早叫啲仔女學普通話、投資人民幣，渣打可以打下羅傑斯主意，令佢幫仔女喺渣打開番個人仔「My Dream Account」喎。
意馬灰太郎受歡迎
●噚日意馬（0585）開記者會，揾咗主角喜羊羊同灰太郎出嚟娛賓，一班女記者開完個記者會後，即係全部撲晒去灰太郎度影合照，相反主角喜羊羊就孤零零咁企埋一邊，不知點算好。
梗係啦，全世界個女仔都想揾個灰太郎咁性格嘅男朋友啦，睇嚟意馬可以特別開多一條line係sell灰太郎喎！
http://tongtong-hkdn.blogspot.com/
B04 | 新報財經 | 中環物語 | By 糖糖 2011-07-06
現代教育股號獎勵學生
●現代教育（1082）星期一剛剛喺主板上市，呢間公司嘅客戶就係廣大嘅學生哥喇，為咗報答呢班老闆，現代教育喺Facebook上宣布，只要現有學生身份證號碼有1、0、8、2其中一個數字，並喺fb上留言，講下對現代教育上市後嘅期望，講得最好嗰10位同學仔，就可以獲免費獲得Philips電子相架與眾同樂。
如果係一般投資者，梗係希望上市後股價可以好似摩天大廈咁升到高一高啦，不過由於今次對象係學生哥，糖糖見到啲學生留言，大部份都係話希望現代教育最好減學費，唔好收咁貴，有啲就話千其唔好再加學費。哈哈，不過如果現代教育真係減學費，到時班小股東又唔肯過你啫！
渣打推介人幣戶口
●渣打銀行個「My Dream Account」一向都好受歡迎，無它嘅，因為佢哋一路都同迪士尼合作，送限量版迎新禮物。而為咗與時並進，佢哋宣布推出「My Dream Account」人民幣儲蓄戶口，希望戶口數目同存款可以喺未來1年攞到好成績。
梗係啦，人民幣匯率由嚿年6月到今年6月，足足升值咗4.7%，呢個人仔「My Dream Account」戶口，不單可以有高啲利息回報，而且仲可以食住條人民幣升值概念，幾好呀。咦，中國好友商品大王羅傑斯一早叫啲仔女學普通話、投資人民幣，渣打可以打下羅傑斯主意，令佢幫仔女喺渣打開番個人仔「My Dream Account」喎。
意馬灰太郎受歡迎
●噚日意馬（0585）開記者會，揾咗主角喜羊羊同灰太郎出嚟娛賓，一班女記者開完個記者會後，即係全部撲晒去灰太郎度影合照，相反主角喜羊羊就孤零零咁企埋一邊，不知點算好。
梗係啦，全世界個女仔都想揾個灰太郎咁性格嘅男朋友啦，睇嚟意馬可以特別開多一條line係sell灰太郎喎！
http://tongtong-hkdn.blogspot.com/
喜尚搞上市 米芝蓮係賣點 2011-07-05
新報
B03 | 新報財經 | 中環物語 | By 糖糖 2011-07-05
喜尚搞上市 米芝蓮係賣點
●喜尚控股（8179）噚日搞記者會，介紹公司打算喺創業板上市嘅內容。過江龍唐宮（1181）喺香港上市係威係勢，唔知同樣做飲食業嘅本地品牌喜尚，可唔可以食住個勢呢？
話說喜尚今次打正旗號以中式酒樓專攻本地市場，集資額一半都喺用嚟開間擺到120圍、坐到1,500人嘅「紅爵御宴」。公司主席黃君武仲喺記者會上大讚特讚其「場面大、無柱、樓底高、招待好」4大優點，聽到黃主席咁講真係忍唔住笑咗。
酒樓未起好，可唔可以做到以上4大優點，糖糖暫時不作評論，但公司攞過「米芝蓮」美食獎，喺記者會上梗係不忘「Show off」。會上公司特登拎出三道招牌菜，包括「蝦禾米乳香豬」、「香煎蓮藕餅」同「冰淋醬烤骨」等美食好好招待記者們。
B03 | 新報財經 | 中環物語 | By 糖糖 2011-07-05
喜尚搞上市 米芝蓮係賣點
●喜尚控股（8179）噚日搞記者會，介紹公司打算喺創業板上市嘅內容。過江龍唐宮（1181）喺香港上市係威係勢，唔知同樣做飲食業嘅本地品牌喜尚，可唔可以食住個勢呢？
話說喜尚今次打正旗號以中式酒樓專攻本地市場，集資額一半都喺用嚟開間擺到120圍、坐到1,500人嘅「紅爵御宴」。公司主席黃君武仲喺記者會上大讚特讚其「場面大、無柱、樓底高、招待好」4大優點，聽到黃主席咁講真係忍唔住笑咗。
酒樓未起好，可唔可以做到以上4大優點，糖糖暫時不作評論，但公司攞過「米芝蓮」美食獎，喺記者會上梗係不忘「Show off」。會上公司特登拎出三道招牌菜，包括「蝦禾米乳香豬」、「香煎蓮藕餅」同「冰淋醬烤骨」等美食好好招待記者們。
大快活獲服務大獎 2011-07-05
新報
B03 | 新報財經 | 中環物語 | By 糖糖 2011-07-05
大快活獲服務大獎
●大快活（0052）舊年賺多咗32%，業績好過對頭人大家樂（0341）嘅0.2%多多聲。大快活唔單止業績埋想，連帶喺顧客服務方面都冧巴One。
香港工業貿易署噚日就張個「2011香港工商業獎：顧客服務大獎」頒俾大快活。
大快活CEO陳志成話，公司專登成立咗個小組，聆聽顧客特別係長者同傷健人士訴求，提供「無障礙3」設施，希望鼓勵長者同傷健人士多啲出去食飯，同家人及朋友享享受聚餐嘅喜悅咁話。
中學生投資首選買樓
●花旗集團早前訪問左超過1萬個中學生，睇吓佢哋嘅理財態度，發覺投資物業成為咗佢哋心目中首選投資創富工具，股票受歡迎程度下滑至第二位，第三位係外幣。
糖糖覺得結果合理，因為香港樓市呢幾年升得咁勁，梗係受歡迎，唯一擔心嘅係，唔知呢批90後，會唔會第日一畢業因為埋怨買唔到樓，於是去遊行抗議呢？
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-07-05
大快活獲服務大獎
●大快活（0052）舊年賺多咗32%，業績好過對頭人大家樂（0341）嘅0.2%多多聲。大快活唔單止業績埋想，連帶喺顧客服務方面都冧巴One。
香港工業貿易署噚日就張個「2011香港工商業獎：顧客服務大獎」頒俾大快活。
大快活CEO陳志成話，公司專登成立咗個小組，聆聽顧客特別係長者同傷健人士訴求，提供「無障礙3」設施，希望鼓勵長者同傷健人士多啲出去食飯，同家人及朋友享享受聚餐嘅喜悅咁話。
中學生投資首選買樓
●花旗集團早前訪問左超過1萬個中學生，睇吓佢哋嘅理財態度，發覺投資物業成為咗佢哋心目中首選投資創富工具，股票受歡迎程度下滑至第二位，第三位係外幣。
糖糖覺得結果合理，因為香港樓市呢幾年升得咁勁，梗係受歡迎，唯一擔心嘅係，唔知呢批90後，會唔會第日一畢業因為埋怨買唔到樓，於是去遊行抗議呢？
http：//tongtong-hkdn.blogspot.com/
每對出品鞋盈進主席親自試 & 滙豐做善事一啲都唔「立」 2011-06-30
新報
B03 | 新報財經 | 中環物語 | By 糖糖 2011-06-30
每對出品鞋盈進主席親自試
●盈進（1386）噚日搞咗個業績公布加飯局，同傳媒講下公司嘅發展，盈進做鞋做到眾所周知，公司執董兼財務總監朱賢文話，集團主席陳美雙對公司出品好嚴謹，每一對公司出品嘅鞋，主席都會親自試着，覺得時尚又舒服先至拍板銷售。嘩！盈進一年四季旗下幾個品牌每年出咁多對鞋，呀主席雙腳咪好唔得閒囉！
滙豐做善事一啲都唔「立」
●呢輪個市況波動，搞到滙豐（0005）個股價都麻麻地，唔聲唔聲咁喺75蚊呢啲水平上落，噚日好番啲，微升0.596%，收報75.95元。雖然股價立立哋，不過佢哋做慈善就一啲都唔立；噚日佢哋個慈善基金正式啓動30周年的慶祝活動，仲宣布額外捐出3千萬去造福香港社群，認真唔話得喇。
滙豐香港區總裁馬凱博喺個慶祝活動啓動儀式上話，嚟緊將會舉行一系列嘅活動畀公眾參與。糖糖覺得好好呀，事關市民嘅眼睛係雪亮嘅，一間有社會企業責任嘅公司，自然寧舍受公眾歡迎，加晒分。
陳裕聲料有大搞作
●香港商用飛機係香港同亞洲區首屈一指嘅商務飛機服務供應商，佢哋剛剛委任咗陳裕聲擔任企業發展總監，負責統籌公司嘅策略規劃同發展。
陳裕聲可以話係呢行嘅老行尊，喺30年嘅商業航空經驗裡面，佢擔任過唔同誇國航空公司嘅不同崗位，由空中少爺以至工程、業務發展及項目管理都做勻，對航空業肯定有大把心得。
咦，話晒呢行都有新競爭加入，糖糖相信金次香港商用飛機重金禮聘陳裕聲過檔，相信嚟緊肯定會有一番大搞作！
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-30
每對出品鞋盈進主席親自試
●盈進（1386）噚日搞咗個業績公布加飯局，同傳媒講下公司嘅發展，盈進做鞋做到眾所周知，公司執董兼財務總監朱賢文話，集團主席陳美雙對公司出品好嚴謹，每一對公司出品嘅鞋，主席都會親自試着，覺得時尚又舒服先至拍板銷售。嘩！盈進一年四季旗下幾個品牌每年出咁多對鞋，呀主席雙腳咪好唔得閒囉！
滙豐做善事一啲都唔「立」
●呢輪個市況波動，搞到滙豐（0005）個股價都麻麻地，唔聲唔聲咁喺75蚊呢啲水平上落，噚日好番啲，微升0.596%，收報75.95元。雖然股價立立哋，不過佢哋做慈善就一啲都唔立；噚日佢哋個慈善基金正式啓動30周年的慶祝活動，仲宣布額外捐出3千萬去造福香港社群，認真唔話得喇。
滙豐香港區總裁馬凱博喺個慶祝活動啓動儀式上話，嚟緊將會舉行一系列嘅活動畀公眾參與。糖糖覺得好好呀，事關市民嘅眼睛係雪亮嘅，一間有社會企業責任嘅公司，自然寧舍受公眾歡迎，加晒分。
陳裕聲料有大搞作
●香港商用飛機係香港同亞洲區首屈一指嘅商務飛機服務供應商，佢哋剛剛委任咗陳裕聲擔任企業發展總監，負責統籌公司嘅策略規劃同發展。
陳裕聲可以話係呢行嘅老行尊，喺30年嘅商業航空經驗裡面，佢擔任過唔同誇國航空公司嘅不同崗位，由空中少爺以至工程、業務發展及項目管理都做勻，對航空業肯定有大把心得。
咦，話晒呢行都有新競爭加入，糖糖相信金次香港商用飛機重金禮聘陳裕聲過檔，相信嚟緊肯定會有一番大搞作！
http：//tongtong-hkdn.blogspot.com/
2011年6月29日星期三
中國汽車品牌常變臉 2011-06-28
新報
B03 | 新報財經 | 中環物語 | By 糖糖 2011-06-28
中國汽車品牌常變臉
●講開換商標呢家嘢，我哋祖國嘅本土汽車業真係視之如家常便飯，不過佢哋唔會好似啲外國品牌咁只作稍微改動，換湯不換藥，反而係好似四川國技一樣：變臉！好似長城、長安等汽車品牌就係一個例子。當中到底意味着啲乜呢？商標換得太頻密，肯定唔係好事，消費者唔單止嚟唔切適應，而且仲會因公司朝令夕改策略而失去信心。
商標就好似一個企業嘅靈魂，企業換商標，不但代表企業價值觀變化，仲代表住一個文化傳承，如果每次更換商標都對舊Logo作全盤否定同捨棄，咁無疑代表公司自己都對過去文化、營銷甚至管理形態全盤否定。所以呢，各位高管喺下達公司換Logo指令時，真係要三思而後行喇。
星巴克保留美人魚
●瘋魔全球咖啡迷嘅星巴克，早前宣布更換商標，惹起市場一陣嘩然，後來底牌揭盅，原來只係換湯不換藥，星迷終於鬆一口氣。星巴克個新Logo繼續Keep住條美人魚，只係將圍住個美人魚嘅「Starbucks Coffee」字樣拎走，公司話咁代表佢哋唔單止賣咖啡，出品將會變得更多元化咁話。不過，糖糖依家喺星巴克仲見到佢哋嘅咖啡杯仲係舊Logo，咁樣未免容易令人混淆。
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-28
中國汽車品牌常變臉
●講開換商標呢家嘢，我哋祖國嘅本土汽車業真係視之如家常便飯，不過佢哋唔會好似啲外國品牌咁只作稍微改動，換湯不換藥，反而係好似四川國技一樣：變臉！好似長城、長安等汽車品牌就係一個例子。當中到底意味着啲乜呢？商標換得太頻密，肯定唔係好事，消費者唔單止嚟唔切適應，而且仲會因公司朝令夕改策略而失去信心。
商標就好似一個企業嘅靈魂，企業換商標，不但代表企業價值觀變化，仲代表住一個文化傳承，如果每次更換商標都對舊Logo作全盤否定同捨棄，咁無疑代表公司自己都對過去文化、營銷甚至管理形態全盤否定。所以呢，各位高管喺下達公司換Logo指令時，真係要三思而後行喇。
星巴克保留美人魚
●瘋魔全球咖啡迷嘅星巴克，早前宣布更換商標，惹起市場一陣嘩然，後來底牌揭盅，原來只係換湯不換藥，星迷終於鬆一口氣。星巴克個新Logo繼續Keep住條美人魚，只係將圍住個美人魚嘅「Starbucks Coffee」字樣拎走，公司話咁代表佢哋唔單止賣咖啡，出品將會變得更多元化咁話。不過，糖糖依家喺星巴克仲見到佢哋嘅咖啡杯仲係舊Logo，咁樣未免容易令人混淆。
http：//tongtong-hkdn.blogspot.com/
2011年6月28日星期二
港股七翻身嚟喇？ 2011-06-27
新報
B03 | 新報財經 | 中環物語 | By 糖糖 2011-06-27
港股七翻身嚟喇？
●大市上周終於結束跌勢，而且連日反彈，令到班中環友終於鬆番啖氣，周五周六重拾心情出去蒲。不過，部份新股沽壓不輕，咁代表投資者喺上落市揀股不揀市嘅專業取向。
2011年轉眼又過咗一半，所謂五窮六絕七翻身，若果大反彈確認係一次升浪，固之然人人歡喜，但若然繼續上上落落，下半年嘅成敗關鍵就在於有無眼光可以揀中有驚喜嘅股票。糖糖當然已經落足眼力做定功課啦，唔知大家又點呢？不過無論點都好，唔好再中「冧把降」喇。
排球王子做公司掌舵
●奧運會要到2012年先有得睇，不過今年8月深圳就會舉行「第二十六届夏季世界大學生運動會」，都可以頂住癮先，不過呢個素有「小奥運會」之稱嘅世界大學生運動會，令糖糖有一個小小發現。
話說喺內地一份財經報一版賀稿裏面，發現今年夏季世界大學生運動會，竟然同香港上市嘅中國龍新能源（0395）拉上關係。剛剛喺今個月上任嘅董事局副主席汪嘉偉，唔講唔知，佢正正係70年代瘋魔中國球迷嘅中國排球王子，而且將與朗平率領排球明星對陣中國大運男排，認真威威！
中國龍新能源主要從事研發及製銷各種鋯化學品、新能源材料，但喺今年初轉型，收購寧波嘅石油倉儲同批發業務，排球王子汪嘉偉就上場喇。咦，近日大市咁波動，唔知公司嘅新人事變動，會唔會係一次新對陣，好戲在後頭呢？搞到糖糖好期待喎。
運通搞理財訓練班
●美國運通剛剛同國際成就計劃再度攜手，搞咗個「JA個人理財工作坊」，幫助後生仔掌握理財技巧，喺日前工作坊上面，就有超過300個中二至中四學生參加工作坊，嚟自美國運通商界義工指導，學習收入、消費、預算、信貸同投資嘅基本理財技巧。
話就話係基本技巧，糖糖認為，好多大人連呢啲技巧都唔識，否則呢個世界又點會有咁多錄爆卡、爭卡數嘅情況吖！
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-27
港股七翻身嚟喇？
●大市上周終於結束跌勢，而且連日反彈，令到班中環友終於鬆番啖氣，周五周六重拾心情出去蒲。不過，部份新股沽壓不輕，咁代表投資者喺上落市揀股不揀市嘅專業取向。
2011年轉眼又過咗一半，所謂五窮六絕七翻身，若果大反彈確認係一次升浪，固之然人人歡喜，但若然繼續上上落落，下半年嘅成敗關鍵就在於有無眼光可以揀中有驚喜嘅股票。糖糖當然已經落足眼力做定功課啦，唔知大家又點呢？不過無論點都好，唔好再中「冧把降」喇。
排球王子做公司掌舵
●奧運會要到2012年先有得睇，不過今年8月深圳就會舉行「第二十六届夏季世界大學生運動會」，都可以頂住癮先，不過呢個素有「小奥運會」之稱嘅世界大學生運動會，令糖糖有一個小小發現。
話說喺內地一份財經報一版賀稿裏面，發現今年夏季世界大學生運動會，竟然同香港上市嘅中國龍新能源（0395）拉上關係。剛剛喺今個月上任嘅董事局副主席汪嘉偉，唔講唔知，佢正正係70年代瘋魔中國球迷嘅中國排球王子，而且將與朗平率領排球明星對陣中國大運男排，認真威威！
中國龍新能源主要從事研發及製銷各種鋯化學品、新能源材料，但喺今年初轉型，收購寧波嘅石油倉儲同批發業務，排球王子汪嘉偉就上場喇。咦，近日大市咁波動，唔知公司嘅新人事變動，會唔會係一次新對陣，好戲在後頭呢？搞到糖糖好期待喎。
運通搞理財訓練班
●美國運通剛剛同國際成就計劃再度攜手，搞咗個「JA個人理財工作坊」，幫助後生仔掌握理財技巧，喺日前工作坊上面，就有超過300個中二至中四學生參加工作坊，嚟自美國運通商界義工指導，學習收入、消費、預算、信貸同投資嘅基本理財技巧。
話就話係基本技巧，糖糖認為，好多大人連呢啲技巧都唔識，否則呢個世界又點會有咁多錄爆卡、爭卡數嘅情況吖！
http：//tongtong-hkdn.blogspot.com/
2011年6月26日星期日
人和王總閃人 派餅安撫
人和王總閃人 派餅安撫
●人和商業（1387）噚日舉行股東會，開完會之後成班行家已經喺出面捕住投資及營運執行總裁王宏放，諗住追問佢公司發行新股事宜，可惜王總開完會之後就急步離開，任憑傳媒點追問都唔肯多留一陣。
呢個時候公關姐姐見勢色唔對路，於是即刻喺會議廳裏面，攞多數十盒港麗出品嘅點心拼盤，「慰勞」一班記者，等記者雖然問唔到嘢，但都唔至於「食白果」，起碼有點心拼盤食吓。
渣打承諾8分鐘做得到
![]()
●「今時今日咁嘅服務質素，點得架！」呢句係劉德華嘅名句，渣打亦深明服務質素重要性，所以提出優化分行網絡同服務承諾。渣打香港個人銀行業務主管禤惠儀話，渣打將會喺香港全線分行推獨家8分鐘服務承諾。
聖若瑟成立財經支會
●名人輩出嘅聖若瑟書院，多年嚟為財經界孕育出唔少卓越人材，好似東亞主席兼行政總裁李國寶、港交所主席夏佳理同前恒生主席利國偉等等。依家開始，做呢班財經界猛人嘅師弟有福喇，事關聖諾瑟舊生會將成立財經支會，為有意投身財經界嘅師弟，提供完備支援，唔理班師弟對銀行、會計、保險定係投資理財界別有興趣，都可以喺財經支會到，申請獎學金、經驗分享同指導。
有呢班財經界大孖沙照住，真係大把前途，肯定會吸引更多家長搶報聖若瑟囉！
http：//tongtong-hkdn.blogspot.com/
●人和商業（1387）噚日舉行股東會，開完會之後成班行家已經喺出面捕住投資及營運執行總裁王宏放，諗住追問佢公司發行新股事宜，可惜王總開完會之後就急步離開，任憑傳媒點追問都唔肯多留一陣。
呢個時候公關姐姐見勢色唔對路，於是即刻喺會議廳裏面，攞多數十盒港麗出品嘅點心拼盤，「慰勞」一班記者，等記者雖然問唔到嘢，但都唔至於「食白果」，起碼有點心拼盤食吓。
渣打承諾8分鐘做得到
●「今時今日咁嘅服務質素，點得架！」呢句係劉德華嘅名句，渣打亦深明服務質素重要性，所以提出優化分行網絡同服務承諾。渣打香港個人銀行業務主管禤惠儀話，渣打將會喺香港全線分行推獨家8分鐘服務承諾。啫係當客戶踏入銀行一刻開始到享有櫃枱服務，8分鐘內一定做到，如果客人太多，唔能夠達到呢個承諾，渣打就會捐錢畀「看得見的希望」慈善基金，而呢個「8分鐘服務承諾」將會喺全球70幾個國家陸續推行。不過至於捐幾多錢，渣打就無講明。
聖若瑟成立財經支會
●名人輩出嘅聖若瑟書院，多年嚟為財經界孕育出唔少卓越人材，好似東亞主席兼行政總裁李國寶、港交所主席夏佳理同前恒生主席利國偉等等。依家開始，做呢班財經界猛人嘅師弟有福喇，事關聖諾瑟舊生會將成立財經支會，為有意投身財經界嘅師弟，提供完備支援，唔理班師弟對銀行、會計、保險定係投資理財界別有興趣，都可以喺財經支會到，申請獎學金、經驗分享同指導。
有呢班財經界大孖沙照住，真係大把前途，肯定會吸引更多家長搶報聖若瑟囉！
http：//tongtong-hkdn.blogspot.com/
2011年6月23日星期四
四叔派薑醋券 慶添丁 2011-06-23
新報
B03 | 新報財經 | 中環物語 | By 糖糖 2011-06-23
四叔派薑醋券 慶添丁
●李家為添了望穿秋水，終於，徐子淇為老爺恒地（0012）主席李兆基添多個男孫，唔單止四叔同再做爸爸嘅李家誠興奮莫名，就連恒地員工都咁Happy，事關連恒地員工都咁開心，因為四叔佢最興就係與民同樂。
![]()
今次李家再添男孫，四叔佢再豪賞員工萬元利是，難怪糖糖有個恒地員工朋友話，希望徐子淇唔好「收工」，一直咁生落去，事關越生得多，佢哋就越多利是咁話。
記者採訪大陣仗
噚日恒地有個100億銀團貸款簽約儀式，各大娛樂記者聞風而至，再加上財記同港聞靜態行家，真係好大陣仗，雖然記者無恒地員工咁幸福，不過四叔見到咁多記者到場「祝賀」，佢好識做，喺現場攞咗一大疊薑醋券出嚟派，人人有份，永不落空。糖糖喺現場俾四叔嘅幸福表情感染咗，都好替佢高興。
無飛機郵輪送畀孫仔
四叔話，暫時未為呢位乖孫改名，不過覺得個孫仔似足爸爸Martin咁樣好，五官端正，咦！咁咪即係間接讚自己個仔啫。徐子淇依家坐緊月，相信有排都唔可以出入ball場，在場娛記緊係問下新抱子淇近況、有無水腫咁啦，Martin話，老婆好好，正喺度休息中，仲護妻深切咁叫記者自己睇發相，一啲都無水腫咁話，恩愛之情show晒出嚟。
四叔出手闊綽，大家又好關心問今次有無買啲咩飛機郵輪送畀孫仔，四叔同Martin齊聲否認，四叔仲反問在場記者，問我哋會唔會送咁多嘢畀仔女喎。大家梗係得個笑字啦，不過糖糖心諗，我哋又點同四叔你比較呀，講笑咩！
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-23
四叔派薑醋券 慶添丁
●李家為添了望穿秋水，終於，徐子淇為老爺恒地（0012）主席李兆基添多個男孫，唔單止四叔同再做爸爸嘅李家誠興奮莫名，就連恒地員工都咁Happy，事關連恒地員工都咁開心，因為四叔佢最興就係與民同樂。
記者採訪大陣仗
噚日恒地有個100億銀團貸款簽約儀式，各大娛樂記者聞風而至，再加上財記同港聞靜態行家，真係好大陣仗，雖然記者無恒地員工咁幸福，不過四叔見到咁多記者到場「祝賀」，佢好識做，喺現場攞咗一大疊薑醋券出嚟派，人人有份，永不落空。糖糖喺現場俾四叔嘅幸福表情感染咗，都好替佢高興。
無飛機郵輪送畀孫仔
四叔話，暫時未為呢位乖孫改名，不過覺得個孫仔似足爸爸Martin咁樣好，五官端正，咦！咁咪即係間接讚自己個仔啫。徐子淇依家坐緊月，相信有排都唔可以出入ball場，在場娛記緊係問下新抱子淇近況、有無水腫咁啦，Martin話，老婆好好，正喺度休息中，仲護妻深切咁叫記者自己睇發相，一啲都無水腫咁話，恩愛之情show晒出嚟。
四叔出手闊綽，大家又好關心問今次有無買啲咩飛機郵輪送畀孫仔，四叔同Martin齊聲否認，四叔仲反問在場記者，問我哋會唔會送咁多嘢畀仔女喎。大家梗係得個笑字啦，不過糖糖心諗，我哋又點同四叔你比較呀，講笑咩！
http：//tongtong-hkdn.blogspot.com/
2011年6月22日星期三
利子厚話 樓市少少泡沫 2011-06-22
新報
B03 | 新報財經 | 中環物語 | By 糖糖 2011-06-22
利子厚話 樓市少少泡沫
噚日係港交所（0388）11周年誌慶，港交所行政總裁李小加帶領全體董事局成員連同一眾嘉賓，喺金鐘某酒店搞咗個慶祝酒會，相信唔駛糖糖點形容，大家都已經想像得到場面有幾咁墟冚。
大粒佬賀港交所
在場撞口撞面都係財金界嘅大粒佬，糖糖睇到兩眼發光，因為當中有唔少「稀客」都有出現，絕對係把握機會訪問好時機。好可惜現場有好多「實Q」喺度維持秩序，區分咗一條記者與嘉賓嘅楚河漢界，糖糖有幾次想闖關同嘉賓傾下計、交換張咭片都被制止，惟有靜候時機出動。
![]()
當財爺曾俊華上台致謝辭後，成班記者終於可以混水摸魚越過禁區，同在場嘉賓傾計。糖糖見到身兼港交所董事及Oxer Limited董事利子厚嘅蹤影，第一時間捉住Michael問下佢對樓市點睇，佢亦都好慷慨咁同糖糖分享自己嘅見解。
佢話依家個樓市係有少少泡沫，短線投資者一定要特別小心。至於政府呢輪頻頻出招，加上息口又上升，個樓市泡沫會唔會細咗呢？Michael話會起到少少冷卻樓市作用，佢話希望有助壓抑到部份炒風咁話。
提到息口呢家嘢，糖糖離遠見到資深銀行大班陳子政，同渣打洪丕正喺度咬耳仔，於是走埋去入下，問係咁喺度講銀行息口呀？KC笑笑口咁話只係傾閒計，無特別，糖糖打蛇隨棍上問KC幾時得閒同後輩分享下經驗，點知KC好客氣咁話自己已經係退休人士，應該揾啲後生啲嘅大班來分享。計糖糖話，KC喺銀行界地位崇高，兼且退而不休，如果唔係寶哥哥都唔會禮聘KC做東亞顧問啦。
陳家強滾水淥腳
轉個頭，糖糖見到財經事務及庫務局局長陳家強，諗住走上前問下局長日前四周圍咁出訪，有乜趣事，點知傾唔夠一句，就滾水淥腳要走人，局長臨走前見到糖糖一臉無奈，於是就向糖糖講咗句﹕「我唔係耍你呀，真係趕住要去下一場呀。」收到喇，局長。
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-22
利子厚話 樓市少少泡沫
噚日係港交所（0388）11周年誌慶，港交所行政總裁李小加帶領全體董事局成員連同一眾嘉賓，喺金鐘某酒店搞咗個慶祝酒會，相信唔駛糖糖點形容，大家都已經想像得到場面有幾咁墟冚。
大粒佬賀港交所
在場撞口撞面都係財金界嘅大粒佬，糖糖睇到兩眼發光，因為當中有唔少「稀客」都有出現，絕對係把握機會訪問好時機。好可惜現場有好多「實Q」喺度維持秩序，區分咗一條記者與嘉賓嘅楚河漢界，糖糖有幾次想闖關同嘉賓傾下計、交換張咭片都被制止，惟有靜候時機出動。
當財爺曾俊華上台致謝辭後，成班記者終於可以混水摸魚越過禁區，同在場嘉賓傾計。糖糖見到身兼港交所董事及Oxer Limited董事利子厚嘅蹤影，第一時間捉住Michael問下佢對樓市點睇，佢亦都好慷慨咁同糖糖分享自己嘅見解。
佢話依家個樓市係有少少泡沫，短線投資者一定要特別小心。至於政府呢輪頻頻出招，加上息口又上升，個樓市泡沫會唔會細咗呢？Michael話會起到少少冷卻樓市作用，佢話希望有助壓抑到部份炒風咁話。
提到息口呢家嘢，糖糖離遠見到資深銀行大班陳子政，同渣打洪丕正喺度咬耳仔，於是走埋去入下，問係咁喺度講銀行息口呀？KC笑笑口咁話只係傾閒計，無特別，糖糖打蛇隨棍上問KC幾時得閒同後輩分享下經驗，點知KC好客氣咁話自己已經係退休人士，應該揾啲後生啲嘅大班來分享。計糖糖話，KC喺銀行界地位崇高，兼且退而不休，如果唔係寶哥哥都唔會禮聘KC做東亞顧問啦。
陳家強滾水淥腳
轉個頭，糖糖見到財經事務及庫務局局長陳家強，諗住走上前問下局長日前四周圍咁出訪，有乜趣事，點知傾唔夠一句，就滾水淥腳要走人，局長臨走前見到糖糖一臉無奈，於是就向糖糖講咗句﹕「我唔係耍你呀，真係趕住要去下一場呀。」收到喇，局長。
http：//tongtong-hkdn.blogspot.com/
陶冬計過條數唔買樓 2011-06-21
新報
B03 | 新報財經 | 中環物語 | By 糖糖 2011-06-21
陶冬計過條數唔買樓
●瑞信董事總經理兼亞洲區首席分析師陶冬（圓圖）係財經紅人，尤受傳媒鍾愛，幾乎三日唔埋兩日，就會見到陶冬做封面嘅財經雜誌出街，無他嘅，陶冬之所以做到「傳媒之友」，全因佢夠親民，打親電話畀佢都有問必答。所以噚日陶冬開記者會，都座無虛席，好多行家都專登去捧場。
![]()
呢輪大家都喺度講緊樓市問題，尤其「復建居屋」更係今期當Hit話題，在場記者當然捉住陶冬問下佢有乜高見啦，例如對內地嘅樓市嘅後市點睇。查實陶冬之前已經喺博客上面寫過，話唔會喺香港買樓，原來內地都一樣，佢話自己都唔會喺內地買樓。
美國15萬美金起4幢樓
佢同大家分享了個故事去解釋，話說佢有個朋友用咗15萬美金，喺美國佛羅里達買了塊地，足足可以起4幢樓，但他就話，15萬美金，可能喺上海連個廁所都買唔到，去海南都可能最多買到兩個廁所，咁買嚟做乜呢？！家內地樓價越嚟越貴，陶冬認為，歸根究柢都係因為之前放水放得太過多，但係佢又唔想用泡沫來形容喎，因為房價喺唔同嘅地方都有唔同標準。
咁香港又點睇呢？他就話香港處於聯儲局同人民銀行政策兩個漩渦嘅中心，無屬於自己嘅貨幣政策，加上又受到內地嘅影響，他怕遲吓通脹繼續升，低收入階層嘅收入都不及租金嘅升勢。他仲建議，政府應該未雨綢繆，多啲幫助弱小群體咁話。糖糖當然舉腳贊成啦，事關中國人傳統有重視瓦遮頭問題，希望「蝸居」問題唔好喺香港迅速蔓延開去。
曾氏兄弟睇好礦業
●我哋特首曾蔭權噚日喺西澳洲工商總會嘅午餐會上致辭，指香港市場流動性高，公司估值吸引，係西澳洲資源公司籌集資金嘅理想平台。事有湊巧，曾生細佬新創建（0659）曾蔭培，噚日就為新世界發展（0017）旗下資源公司—新礦資源嘅上市前記者會主持大局。雖然新礦資源嘅鐵礦係嚟自內地河北，而唔係西澳，不過好明顯，特首一家都好睇好礦業前景喎。
B03 | 新報財經 | 中環物語 | By 糖糖 2011-06-21
陶冬計過條數唔買樓
●瑞信董事總經理兼亞洲區首席分析師陶冬（圓圖）係財經紅人，尤受傳媒鍾愛，幾乎三日唔埋兩日，就會見到陶冬做封面嘅財經雜誌出街，無他嘅，陶冬之所以做到「傳媒之友」，全因佢夠親民，打親電話畀佢都有問必答。所以噚日陶冬開記者會，都座無虛席，好多行家都專登去捧場。
美國15萬美金起4幢樓
佢同大家分享了個故事去解釋，話說佢有個朋友用咗15萬美金，喺美國佛羅里達買了塊地，足足可以起4幢樓，但他就話，15萬美金，可能喺上海連個廁所都買唔到，去海南都可能最多買到兩個廁所，咁買嚟做乜呢？！家內地樓價越嚟越貴，陶冬認為，歸根究柢都係因為之前放水放得太過多，但係佢又唔想用泡沫來形容喎，因為房價喺唔同嘅地方都有唔同標準。
咁香港又點睇呢？他就話香港處於聯儲局同人民銀行政策兩個漩渦嘅中心，無屬於自己嘅貨幣政策，加上又受到內地嘅影響，他怕遲吓通脹繼續升，低收入階層嘅收入都不及租金嘅升勢。他仲建議，政府應該未雨綢繆，多啲幫助弱小群體咁話。糖糖當然舉腳贊成啦，事關中國人傳統有重視瓦遮頭問題，希望「蝸居」問題唔好喺香港迅速蔓延開去。
曾氏兄弟睇好礦業
●我哋特首曾蔭權噚日喺西澳洲工商總會嘅午餐會上致辭，指香港市場流動性高，公司估值吸引，係西澳洲資源公司籌集資金嘅理想平台。事有湊巧，曾生細佬新創建（0659）曾蔭培，噚日就為新世界發展（0017）旗下資源公司—新礦資源嘅上市前記者會主持大局。雖然新礦資源嘅鐵礦係嚟自內地河北，而唔係西澳，不過好明顯，特首一家都好睇好礦業前景喎。
2011年6月21日星期二
內銀鼓勵債主提早還錢 2011-06-20
新報
B03 | 新報財經 | 中環物語 | By 糖糖 2011-06-2
內銀鼓勵債主提早還錢
●以前銀行水浸，若遇上借貸人提前還樓按，分分鐘要被罰息，不過今時唔同往日，依家內地銀行銀根短缺，非但提前還錢唔駛畀違約金，而且仲好受銀行歡迎。
隨到隨還免違約金
據糖糖所知，近日內地有唔少「房奴」都紛紛收到銀行嘅SMS，內容係鼓勵你提早還錢：「尊敬客戶：如需辦理個人貸款提前還款業務無需預約，隨到隨還，可免違約金。」云云。
梗係啦，今年以嚟央行每一個月就上調1次存款準備金，最新嗰次喺6月14日，上調咗0.5%，已經係今年以嚟第六次，大型銀行嘅存款準備金率已經去到21.5%嘅歷史新高。至於中小型金融機構都唔嘢小，存款準備金率都高達18%。今次上調之後，有分析員話將凍結資金3,800億人仔，減少咗銀行淨利息收入約50億人仔。
不過，既然話得銀行銀根短缺，啲房奴即使有錢都唔還住啦，因為咁代表咗再問銀行借錢一定會更難，利息又會更高，變咗依家內地啲個人房貸真係「一貸難求」。
合理貸款可抗通脹
●講開借錢，以前上一輩老人家一直覺得爭人錢係醜事，不過依家有理財師就認為，喺通脹形勢咁嚴峻情況下，合理嘅負債其實就係抵抗通脹最佳辦法！以內地5月CPI同比升5.5%為例，如果以4%至5%嘅利率去申請貸款，咁樣呢種合理貸款咪就係有效抗通脹方法囉，既然以前嘅貸款平過依家，咁仲有乜理由要提前還錢呀？
糖糖覺得不無道理，之不過前題係要懂節制，唔好身上有個餘錢就身痕做大花筒，結果爭下周身咭數，咁個如意算盤真係打錯咗喇。
![]()
http：//tongtong-hkdn.blogspot.com/
B03 | 新報財經 | 中環物語 | By 糖糖 2011-06-2
內銀鼓勵債主提早還錢
●以前銀行水浸，若遇上借貸人提前還樓按，分分鐘要被罰息，不過今時唔同往日，依家內地銀行銀根短缺，非但提前還錢唔駛畀違約金，而且仲好受銀行歡迎。
隨到隨還免違約金
據糖糖所知，近日內地有唔少「房奴」都紛紛收到銀行嘅SMS，內容係鼓勵你提早還錢：「尊敬客戶：如需辦理個人貸款提前還款業務無需預約，隨到隨還，可免違約金。」云云。
梗係啦，今年以嚟央行每一個月就上調1次存款準備金，最新嗰次喺6月14日，上調咗0.5%，已經係今年以嚟第六次，大型銀行嘅存款準備金率已經去到21.5%嘅歷史新高。至於中小型金融機構都唔嘢小，存款準備金率都高達18%。今次上調之後，有分析員話將凍結資金3,800億人仔，減少咗銀行淨利息收入約50億人仔。
不過，既然話得銀行銀根短缺，啲房奴即使有錢都唔還住啦，因為咁代表咗再問銀行借錢一定會更難，利息又會更高，變咗依家內地啲個人房貸真係「一貸難求」。
合理貸款可抗通脹
●講開借錢，以前上一輩老人家一直覺得爭人錢係醜事，不過依家有理財師就認為，喺通脹形勢咁嚴峻情況下，合理嘅負債其實就係抵抗通脹最佳辦法！以內地5月CPI同比升5.5%為例，如果以4%至5%嘅利率去申請貸款，咁樣呢種合理貸款咪就係有效抗通脹方法囉，既然以前嘅貸款平過依家，咁仲有乜理由要提前還錢呀？
糖糖覺得不無道理，之不過前題係要懂節制，唔好身上有個餘錢就身痕做大花筒，結果爭下周身咭數，咁個如意算盤真係打錯咗喇。
http：//tongtong-hkdn.blogspot.com/
2011年6月17日星期五
小小超同小股東「一笑泯恩仇」 2011-06-16
新報
B03 | 新報財經 | 中環物語 | By 糖糖 2011-06-16
小小超同小股東「一笑泯恩仇」
●呢輪電盈小股東動作多多，先後寫信畀證監韋奕禮，同埋東亞嘅寶寶哥，日前（6月13日）佢哋仲出動抗議呢招，要求對話，佢哋對電盈（0008）嘅真誠終於感動到電盈主席小小超。
![]()
聯盟代表話，感動係因為喺呢40分鐘裏面，小小超揸住計數機，親自計數俾聯盟代表睇，解釋電盈分拆電訊業務上市對小股東嘅好處，完全唔係空談。
40分鐘完全唔係空談
代表仲話，小小超喺見面同會議完結時，兩次握手都係強而有力，係好有誠意嘅握手方法，甚至較之前同李國寶握手時更加有力！糖糖完全感受唔到喺咩感覺，事關李澤楷先生次次喺公開場合出現都係來去匆匆，莫講話握手，連交換張卡片都屬「不可能的任務」。不過，聽到聯盟代表形容當時嘅情況，又的確感受到代表嗰種歡欣。電盈小股東大聯盟有無被小小超說服咗，改為支持電盈分拆電訊業務上市呢？代表話佢無話贊成，仍然希望電盈方面可以有更多數據同理據話畀全體股東知，到底分拆對小股東有乜益處。
聯盟代表仲話，好希望陸續會有面談機會，而電盈亦同意會積極考慮6月17日股東會後安排同聯盟代表會面。所謂雙嗌唔好口，宜家坐低有傾有講，咁咪好囉！
http://tongtong-hkdn.blogspot.com/
B03 | 新報財經 | 中環物語 | By 糖糖 2011-06-16
小小超同小股東「一笑泯恩仇」
●呢輪電盈小股東動作多多，先後寫信畀證監韋奕禮，同埋東亞嘅寶寶哥，日前（6月13日）佢哋仲出動抗議呢招，要求對話，佢哋對電盈（0008）嘅真誠終於感動到電盈主席小小超。
電盈小股東大聯盟嘅代表，喺噚日終於同小小超舉行咗歷史性嘅會面，大大話話都傾咗成40分鐘喎！對於秒秒鐘幾千萬上落嘅小小超嚟講，40分鐘真係好畀面。講返今次破冰會面，聯盟代表同糖糖講，話好感動、好高興同好欣慰，甚至要收返之前批評電盈係「曲線私有化、陰乾」等字眼。
聯盟代表話，感動係因為喺呢40分鐘裏面，小小超揸住計數機，親自計數俾聯盟代表睇，解釋電盈分拆電訊業務上市對小股東嘅好處，完全唔係空談。
40分鐘完全唔係空談
代表仲話，小小超喺見面同會議完結時，兩次握手都係強而有力，係好有誠意嘅握手方法，甚至較之前同李國寶握手時更加有力！糖糖完全感受唔到喺咩感覺，事關李澤楷先生次次喺公開場合出現都係來去匆匆，莫講話握手，連交換張卡片都屬「不可能的任務」。不過，聽到聯盟代表形容當時嘅情況，又的確感受到代表嗰種歡欣。電盈小股東大聯盟有無被小小超說服咗，改為支持電盈分拆電訊業務上市呢？代表話佢無話贊成，仍然希望電盈方面可以有更多數據同理據話畀全體股東知，到底分拆對小股東有乜益處。
聯盟代表仲話，好希望陸續會有面談機會，而電盈亦同意會積極考慮6月17日股東會後安排同聯盟代表會面。所謂雙嗌唔好口，宜家坐低有傾有講，咁咪好囉！
http://tongtong-hkdn.blogspot.com/
2011年6月15日星期三
內銀唔集資「食言」成風 2011-06-15
內銀唔集資「食言」成風
●好多人都會講過啲嘢唔算數，但作為對社會及國家經濟有舉足輕重作用嘅銀行，講完啲嘢唔算數就唔得喇！好似近呢兩年來，央行對銀行資本充足率提高咗，多家銀行呢頭講完話幾年內都唔融資，但轉個頭就推出融資計劃，內地財新網就專登搞咗個銀行「食言」表，表列咗中國銀行（3988）、建行（0939）、民生、興業同埋浦發銀行嘅「食言」事件表。
中行最叻捉字虱
![]()
好似建行咁，3月時張建國先講話「今年唔會再融資」，但係3個月之後，建行喺6月10日就宣布，公司擬發行唔超過800億人民幣次級債券，用於充實公司資本。
不過你有張良計，佢有過牆梯，銀行喺融資話題上嘅措辭亦越來越謹慎，好似中行咁，今年3月曾話，2012年前都唔會實施股本融資計劃。之但係，次級債係屬於非股權融資，結果中行喺5月，就喺銀行間債券市場公開發唔超過320億人民幣固息次級債。點夠你講吖！
乘客歎冷氣被趕
●3個內地乘客日前被南方航空（1055）趕落機事件，在內地牽起波瀾。話說有3個乘客登機之後想臨時掉位，坐前啲，結果被機長以飛行安全為由報警，被請落機之餘，之後仲要被一位南航飛機師喺微博講咗句：「同央企，你玩唔起！」結果被傳媒廣泛報導，機長最後仲要寫道歉信添。
糖糖日前出差，都係搭南航，當日由於天雨關係，唔能起飛，結果糖糖同其他乘客被迫喺架機上面呆坐兩粒鐘都未飛得，天公唔做美當然唔怪得南航。
弊就弊在當日喺全機爆滿情況下，南航都唔肯開空調，一機人就咁個個熱到出水，好彩當時投訴，如果唔係分分鐘會出動警察，趕晒我哋落機呀。不過最後喺詢眾要求情況下，好彩最終都開冷氣，但開咗唔夠一陣，機長最後決定叫全機人落機等。
http://tongtong-hkdn.blogspot.com/
●好多人都會講過啲嘢唔算數，但作為對社會及國家經濟有舉足輕重作用嘅銀行，講完啲嘢唔算數就唔得喇！好似近呢兩年來，央行對銀行資本充足率提高咗，多家銀行呢頭講完話幾年內都唔融資，但轉個頭就推出融資計劃，內地財新網就專登搞咗個銀行「食言」表，表列咗中國銀行（3988）、建行（0939）、民生、興業同埋浦發銀行嘅「食言」事件表。
中行最叻捉字虱
好似建行咁，3月時張建國先講話「今年唔會再融資」，但係3個月之後，建行喺6月10日就宣布，公司擬發行唔超過800億人民幣次級債券，用於充實公司資本。
不過你有張良計，佢有過牆梯，銀行喺融資話題上嘅措辭亦越來越謹慎，好似中行咁，今年3月曾話，2012年前都唔會實施股本融資計劃。之但係，次級債係屬於非股權融資，結果中行喺5月，就喺銀行間債券市場公開發唔超過320億人民幣固息次級債。點夠你講吖！
乘客歎冷氣被趕
●3個內地乘客日前被南方航空（1055）趕落機事件，在內地牽起波瀾。話說有3個乘客登機之後想臨時掉位，坐前啲，結果被機長以飛行安全為由報警，被請落機之餘，之後仲要被一位南航飛機師喺微博講咗句：「同央企，你玩唔起！」結果被傳媒廣泛報導，機長最後仲要寫道歉信添。
糖糖日前出差，都係搭南航，當日由於天雨關係，唔能起飛，結果糖糖同其他乘客被迫喺架機上面呆坐兩粒鐘都未飛得，天公唔做美當然唔怪得南航。
弊就弊在當日喺全機爆滿情況下，南航都唔肯開空調，一機人就咁個個熱到出水，好彩當時投訴，如果唔係分分鐘會出動警察，趕晒我哋落機呀。不過最後喺詢眾要求情況下，好彩最終都開冷氣，但開咗唔夠一陣，機長最後決定叫全機人落機等。
http://tongtong-hkdn.blogspot.com/
2011年6月14日星期二
洪丕正帶成隊人做義工
新報
B03 | 新報財經 | 中環物語 | By 糖糖 2011-06-14
洪丕正帶成隊人做義工
●香港人做善事一向不遺餘力，有錢出錢、有力出力。為了鼓勵自己嘅員工參與慈善活動，渣打每年都畀自己嘅員工有3日嘅有薪義工假期。好似噚日咁，渣打香港行政總裁洪丕正—阿Ben，就拉大隊齊哇哇去探一班視障學生，同佢哋油壁畫，做陶瓷磚牆。
![]()
怕攞唔到最低工資
唔好以為阿Ben唔返工就好輕鬆喎，實情喺佢畫咗成朝，仲攰過坐辦公室啊！一邊畫，仲要一邊教啲學生，同佢哋傾吓偈，講吓百科知識添。糖糖仲偷聽到，阿Ben教小朋友認識邊個係畢加索啊！
烈日之下係咁油幾個鐘，阿Ben先發覺油壁畫一啲都唔容易。現場嘅工作人員話佢畫一隻長頸鹿就畫咗3個鐘。身體力行之後，阿Ben叫自己啲員工唔好轉工油灰水吖，唔喺嘅話，做得咁慢，分分鐘連最低工資都擔心攞唔到吖！
全年萬五個服務日
講翻做義工，渣打嘅員工都真喺幾落力，6月喺佢哋嘅「員工義工月」，公司就主動安排超過500個嘅義工服務機會畀同事參加。據佢哋講，渣打有5,000個員工，每人每年有3日嘅假期，加加埋埋全年就有成15,000個義工服務日，真喺可以幫到好多人。
做善事可以幫到人，亦可以幫到自己，其實唔一定要有假期先可以做義工架，只要大家發自內心，多啲關心身邊嘅人，多啲幫助有需要嘅群體都算係做善事啦！咁你仲唔快啲坐言起行？
http://tongtong-hkdn.blogspot.com/
B03 | 新報財經 | 中環物語 | By 糖糖 2011-06-14
洪丕正帶成隊人做義工
●香港人做善事一向不遺餘力，有錢出錢、有力出力。為了鼓勵自己嘅員工參與慈善活動，渣打每年都畀自己嘅員工有3日嘅有薪義工假期。好似噚日咁，渣打香港行政總裁洪丕正—阿Ben，就拉大隊齊哇哇去探一班視障學生，同佢哋油壁畫，做陶瓷磚牆。
唔好以為阿Ben唔返工就好輕鬆喎，實情喺佢畫咗成朝，仲攰過坐辦公室啊！一邊畫，仲要一邊教啲學生，同佢哋傾吓偈，講吓百科知識添。糖糖仲偷聽到，阿Ben教小朋友認識邊個係畢加索啊！
烈日之下係咁油幾個鐘，阿Ben先發覺油壁畫一啲都唔容易。現場嘅工作人員話佢畫一隻長頸鹿就畫咗3個鐘。身體力行之後，阿Ben叫自己啲員工唔好轉工油灰水吖，唔喺嘅話，做得咁慢，分分鐘連最低工資都擔心攞唔到吖！
全年萬五個服務日
講翻做義工，渣打嘅員工都真喺幾落力，6月喺佢哋嘅「員工義工月」，公司就主動安排超過500個嘅義工服務機會畀同事參加。據佢哋講，渣打有5,000個員工，每人每年有3日嘅假期，加加埋埋全年就有成15,000個義工服務日，真喺可以幫到好多人。
做善事可以幫到人，亦可以幫到自己，其實唔一定要有假期先可以做義工架，只要大家發自內心，多啲關心身邊嘅人，多啲幫助有需要嘅群體都算係做善事啦！咁你仲唔快啲坐言起行？
http://tongtong-hkdn.blogspot.com/
2011年6月13日星期一
PRADA記招送限量袋 2011-06-13
新報
B03 | 新報財經 | 中環物語 | By 糖糖 2011-06-13
PRADA記招送限量袋
永保林業宣傳到巴西
●雖然話炒股唔可以信「貼士」，不過若然真喺仙人指路嘅話，大家就一定要聽喇。好似之前咁啊，有日本股神之稱嘅邱永漢，喺咁咦噏隻永保林業（0723），結果就有運行喇！
被股神睇得起，永保都應該有翻咁上下實力。今年3月，內地一間地板製造商新綠洲，就借永保的殼成功上市，新綠洲呢間公司主要經營木地板，最特別的就喺啲地板是S型，有波浪曲綫。一個有產品，一個有資源，呢個組合就成為賺錢秘笈，改組無幾耐，永保就已經有賺。據聞之前永保嘅高層就特登去到巴西，贊助投資高峰會之餘，仲同行家分享成功之道添。
巴西係出咗名喺南美洲最多天然資源嘅國家，不過因為經濟發展太快，資源就來唔夠用，所以要馬上探討下可持續發展嘅長遠計劃。財務總裁姜若男小姐話，中國公司響巴西嘅投資業務，會成為巴西未來發展中重要一部份，公司會致力實行可持續森林管理營運，保證有環保認證哦。咁嘅話，即係話自己長做長有，唔洗愁？！
就喺峰會結束前，永保將伊蓓樹幼苗作為禮物，送俾與會代表。唔好睇小呢棵伊蓓樹啊，它是亞馬遜雨林其中一種最具商業價值的硬木樹種來噶。
http://tongtong-hkdn.blogspot.com/ 糖糖
B03 | 新報財經 | 中環物語 | By 糖糖 2011-06-13
PRADA記招送限量袋
 |
| Prada來港上市，記者招待會送限量紀念公文袋 |
●唔少機構喺記者會後都會送份贈品畀記者作為紀念，大多數都係USB等，但PRADA噚日送俾記者每人一個印有佢PRADA字樣嘅公文袋，都算有啲新意。
有行家講笑話，可以將佢擺上網拍賣，而且門市未見有售，更可以標榜佢為限量版。不過，未喺門市見過，人地未必信係真野，況且再睇真啲，個公文袋唔似皮製，更大機會被誤以為係A貨添。
永保林業宣傳到巴西
●雖然話炒股唔可以信「貼士」，不過若然真喺仙人指路嘅話，大家就一定要聽喇。好似之前咁啊，有日本股神之稱嘅邱永漢，喺咁咦噏隻永保林業（0723），結果就有運行喇！
被股神睇得起，永保都應該有翻咁上下實力。今年3月，內地一間地板製造商新綠洲，就借永保的殼成功上市，新綠洲呢間公司主要經營木地板，最特別的就喺啲地板是S型，有波浪曲綫。一個有產品，一個有資源，呢個組合就成為賺錢秘笈，改組無幾耐，永保就已經有賺。據聞之前永保嘅高層就特登去到巴西，贊助投資高峰會之餘，仲同行家分享成功之道添。
巴西係出咗名喺南美洲最多天然資源嘅國家，不過因為經濟發展太快，資源就來唔夠用，所以要馬上探討下可持續發展嘅長遠計劃。財務總裁姜若男小姐話，中國公司響巴西嘅投資業務，會成為巴西未來發展中重要一部份，公司會致力實行可持續森林管理營運，保證有環保認證哦。咁嘅話，即係話自己長做長有，唔洗愁？！
就喺峰會結束前，永保將伊蓓樹幼苗作為禮物，送俾與會代表。唔好睇小呢棵伊蓓樹啊，它是亞馬遜雨林其中一種最具商業價值的硬木樹種來噶。
http://tongtong-hkdn.blogspot.com/ 糖糖
2011年6月11日星期六
巴菲特係股神 郭台銘話唔覺喎 2011-06-10
| 新報 B04 | 新報財經 | 中環物語 | By 糖糖 | 2011-06-10 | |||
| 巴菲特係股神 郭台銘話唔覺喎 ●當外界千方百計、狂掟金錢、爭 過你死我活，就係為咗同股神巴菲特食一個午餐時，偏偏鴻海嘅郭台銘就對巴菲特嗤之以鼻。佢喺股東會上話，巴菲特根本唔係乜嘢股神，只係有啲小聰明咁大把 啫。郭總喺言談間，唔單止鄙視呢位被世人奉若神明嘅股神，而且仲嘲笑佢投資比亞迪（1211）咁話。  糖糖唔知郭總係咪因為同比亞迪嘅官司打咗5年都未打完嘅關係，索性嚟個「愛屋及烏」反轉版，連敵人嘅朋友都一併當埋敵人咁看待呢。難怪有人話，有時男人嬲起上嚟，分分鐘會小氣過啲女人架。但係糖糖認為，郭總份人係恩怨分明多啲喇。 午餐會競投價料破紀錄 記得郭總曾經講過，話試過寫信畀巴菲特，就佢投資比亞迪問咗3條問題，但封信就一去無回頭，股神連一隻字都無回覆。糖糖喺度諗，郭總既然大把錢，索性加入今次同巴菲特食午餐嘅競投中，如果Bit贏咗，咪可以面對面同巴菲特講足3粒鐘囉。 講番今次慈善午餐會競投，最快喺聽晚就會有結果；嚿年嘅中標價係263美金，今年應該可以再創高峰，打破舊年紀錄。 新規矩：唔准講股票 不過，當兩位神秘人競投得如火如荼之際，英國方面有消息傳出，話為咗防止幸運兒借住同巴菲特共進午餐時，炒作個人股票行為，慈善午餐會出咗個新規則，就係喺午餐會上唔可以講股票喎。唓！連最重要嘅嘢都唔傾得，就等於去自助餐唔畀人食生蠔、龍蝦呢啲回本菜啫，有啲揾笨囉！ http://tongtong-hkdn.blogspot.com/ | ||||
2011年6月9日星期四
韋奕禮最難忘雷曼爆煲 2011-06-09
新報
B03 | 新報財經 | 中環物語 | By 糖糖 2011-06-09
韋奕禮最難忘雷曼爆煲
●韋奕禮噚日最後一日返工，同記者來一個臨別秋波。在任6年，韋奕禮話自己最唔捨得嘅就是證監會同事及業界。不過，做咗6年，偏偏遇上震驚全球嘅雷曼風暴，加上雷曼苦主日日喺中環辦公室敲鑼打鼓，你都咪話呢段經歷唔難忘。
韋奕禮話，呢6年間最低潮嘅時候，就是雷曼啱啱爆煲時，當時佢飛咗13個鐘頭機，長途拔涉咁去開會，喺馬德里機場落機剛剛到步唔夠5分鐘，就收到雷曼爆煲嘅消息，諗過度過，咩會都唔夠呢單野重要，心知大事不妙，於是喺機場停留5分鐘之後，就起程搭返十幾個鐘頭機返香港總壇執手尾。
最開心苦主得賠償
不過，韋奕禮覺得最開心的就喺可以幫助大部份雷曼苦主拿翻大部份的賠償，他仲打趣話，如果買喺同期買滙豐（0005）股票，個回報率都唔夠賠償咁高喎！
雖然話天下無不散之筳席，但係韋奕禮亦都深知，今次同香港傳媒say goodbye後都唔知幾時再見。話晒都係last day，韋奕禮開完記者會後，繼續留低同記者簽名影相，跟咗佢6年嘅記者、同事梗喺依依不捨啦，韋奕禮都好識做，滿足所有人嘅要求，成個大名星咁。糖糖當然唔執輸，專登攞本證監會2010至2011年年報，俾韋奕禮喺年報張相隔離即席揮毫，簽咗個大名，作為小小紀念。
當然，唔捨得還唔捨得，各位行家繼續窮追猛打咁，希望喺韋奕禮口中探知繼任人係邊個。市場傳聞繼任者都係老外，韋奕禮依然好口密，洒手兼拎頭，話咩都唔知，留俾政府決定啦。
電盈小股東表感謝
相信當大家睇到呢篇糖糖時，韋奕禮已經離開咗香港喇，不過唔係返英國住，而係去旅行放鬆下。唔捨得韋奕禮嘅，除了記者之外，仲有一班雷曼苦主，噚日依然堅持向證監會樓下集會「歡送」佢。
而一班電信盈科（0008）嘅小股東大聯盟，更發公開信，由衷感謝韋奕禮過去6年為保障小投資者權益所作嘅貢獻。
http://tongtong-hkdn.blogspot.com/
B03 | 新報財經 | 中環物語 | By 糖糖 2011-06-09
韋奕禮最難忘雷曼爆煲
●韋奕禮噚日最後一日返工，同記者來一個臨別秋波。在任6年，韋奕禮話自己最唔捨得嘅就是證監會同事及業界。不過，做咗6年，偏偏遇上震驚全球嘅雷曼風暴，加上雷曼苦主日日喺中環辦公室敲鑼打鼓，你都咪話呢段經歷唔難忘。
最開心苦主得賠償
不過，韋奕禮覺得最開心的就喺可以幫助大部份雷曼苦主拿翻大部份的賠償，他仲打趣話，如果買喺同期買滙豐（0005）股票，個回報率都唔夠賠償咁高喎！
雖然話天下無不散之筳席，但係韋奕禮亦都深知，今次同香港傳媒say goodbye後都唔知幾時再見。話晒都係last day，韋奕禮開完記者會後，繼續留低同記者簽名影相，跟咗佢6年嘅記者、同事梗喺依依不捨啦，韋奕禮都好識做，滿足所有人嘅要求，成個大名星咁。糖糖當然唔執輸，專登攞本證監會2010至2011年年報，俾韋奕禮喺年報張相隔離即席揮毫，簽咗個大名，作為小小紀念。
當然，唔捨得還唔捨得，各位行家繼續窮追猛打咁，希望喺韋奕禮口中探知繼任人係邊個。市場傳聞繼任者都係老外，韋奕禮依然好口密，洒手兼拎頭，話咩都唔知，留俾政府決定啦。
 |
| 韋奕禮為糖糖簽名留念，後會有期！ |
相信當大家睇到呢篇糖糖時，韋奕禮已經離開咗香港喇，不過唔係返英國住，而係去旅行放鬆下。唔捨得韋奕禮嘅，除了記者之外，仲有一班雷曼苦主，噚日依然堅持向證監會樓下集會「歡送」佢。
而一班電信盈科（0008）嘅小股東大聯盟，更發公開信，由衷感謝韋奕禮過去6年為保障小投資者權益所作嘅貢獻。
http://tongtong-hkdn.blogspot.com/
PRADA上市着數滿天飛 2011-06-08
| 新報 B03 | 新報財經 | 中環物語 | By 糖糖 | 2011-06-08 | |||
| PRADA上市着數滿天飛 | ||||
 ●米蘭站（1150）賣二手名牌 賣到上市，仲成為7料新股王，咁到底意大利高級名牌PRADA又可唔可以再威啲呢？噚日PRADA舉行非一般嘅投資者推會，又時裝展又飯局咁，搞到全城投 資者展開「撲飛熱」！東亞銀行（0023）副行政總裁李民橋就拖住老婆sweet sweet到場，同場仲有財經事務及庫務局副局局長梁鳳儀、澳博（0880）董事兼賭王四太梁安琪等等。可惜今次無論係投資者推介會定係時裝表演，都無預到記者，所以糖糖無得再入去八吓。講番PRADA今次上市氣勢如虹，事前已經有好多傳聞，一時又話PRADA會搞一個傳媒考察團去意大利，仲要去成兩個禮拜咁耐，好似歐洲豪華遊咁；一時又話會每一個投資者送一個PRADA出品嘅名牌手袋，當然有關消息都未得以證實。 PRADA 上市肯定係呢期中環話題王喇，相信啲OL會正頭痛緊，到底抽手PRADA新股好吖，定係索性買個PRADA手袋好過呢。高盛出咗份報告，比較PRADA、 Hermes、Burberry、LVHM及歷峰集團嘅估值比較，當中PRADA嘅市盈率高達28倍，係以上咁多個品牌中最貴，難怪有幾位大粒佬都未揸定 主意啦。九倉（0004）主席吳光正話，仲未決定認唔認購PRADA，而亞視董事陳永棋就話有興趣認識少量啦，但就始終嫌佢貴咁話。
● 恒生（0011）由差唔多80年前嘅一間只有11個員工嘅小銀行，發展到今日有超過1萬名員工嘅世界級銀行，如果要講佢嘅歷史真係一幅氈咁長。係呀，係一 幅巨氈咁長，恒生將80年嘅歷史，揾人以人手逐針逐線編織成一幅面積約1 5 平方米嘅巨型掛氈，放喺恒生宴會廳博愛堂。 http://tongtong-hkdn.blogspot.com/ | ||||
2011年6月7日星期二
招股書出錯 氣煞小股民
招股書出錯 氣煞小股民
●雖然啲監管機構成日叫啲投資者，投資前要做足功課，但係成本字典咁厚嘅招股書，到底真係有幾多投資者逐頁逐頁咁去睇呢？不過話雖如此，但係作為上市公司，真係唔可以掉以輕心，搞到本招股書有錯處可以畀人捉㗎！
繼熱爆新股米蘭站（1150）招股書被人篤爆出現低級錯誤之後，另一隻新股龍翔（0935）又有出錯，仲要係錯喺每股盈利、P/E等重要資料上面，糖糖真係無眼睇。真係太陽底下無新事，呢啲咁嘅重要錯誤都唔係頭一趟，好似年頭招股嘅宏峰，亦曾經搞錯過個配售價。一啲唔温書嘅投資者可能可以避過一劫，但係若果有人真係根據招股書提供嘅錯誤資料去研究同分析，結果可以好大件事，輸咗錢係咪你賠返先？！
其實唔單止啲上市公司有責任，作為保薦人同公關公司絕對責無旁貸，要避免錯誤重覆發生，有網民就建議港交所（0388）應該整個懲罰機制，例如係禁止出錯嘅單位日後參與上市工作一段時間等等。糖糖都好認同，始終港交所絕對唔應該隻眼開隻眼閉架！
經濟越好?女性上圍越大
●有份研究話，經濟好，女性上圍就會越大，話1920年經濟大蕭條時期，英女性上圍平均只28A，但隨着經濟起飛，今日英國女性平均上圍已經脹到36D！有間英國百貨公司Debenhams日前發表咗《大英帝國胸史》，原來唔單止上圍同經濟有關係，就連胸圍內衣款式都同經濟有正相關性。21年紀初期啲內衣款式含蓄內斂﹔60、70年代登月時期，有麥當娜嘅錐形胸圍﹔90年代女強人當道，甚至出現內衣外穿現象。
Debenhams仲話，專家們會繼續以女性胸圍尺寸嚟觀察經濟波動趨勢。糖糖好奇，唔知呢種現象係咪放諸四海皆準嘅呢？我哋祖國依家係全球經濟大國之一，難道意味着祖國女性身材係最勁？難怪糖糖打開份C1，見到咁多潘霜霜之類的物體出現啦。
糖糖
●雖然啲監管機構成日叫啲投資者，投資前要做足功課，但係成本字典咁厚嘅招股書，到底真係有幾多投資者逐頁逐頁咁去睇呢？不過話雖如此，但係作為上市公司，真係唔可以掉以輕心，搞到本招股書有錯處可以畀人捉㗎！
其實唔單止啲上市公司有責任，作為保薦人同公關公司絕對責無旁貸，要避免錯誤重覆發生，有網民就建議港交所（0388）應該整個懲罰機制，例如係禁止出錯嘅單位日後參與上市工作一段時間等等。糖糖都好認同，始終港交所絕對唔應該隻眼開隻眼閉架！
經濟越好?女性上圍越大
●有份研究話，經濟好，女性上圍就會越大，話1920年經濟大蕭條時期，英女性上圍平均只28A，但隨着經濟起飛，今日英國女性平均上圍已經脹到36D！有間英國百貨公司Debenhams日前發表咗《大英帝國胸史》，原來唔單止上圍同經濟有關係，就連胸圍內衣款式都同經濟有正相關性。21年紀初期啲內衣款式含蓄內斂﹔60、70年代登月時期，有麥當娜嘅錐形胸圍﹔90年代女強人當道，甚至出現內衣外穿現象。
Debenhams仲話，專家們會繼續以女性胸圍尺寸嚟觀察經濟波動趨勢。糖糖好奇，唔知呢種現象係咪放諸四海皆準嘅呢？我哋祖國依家係全球經濟大國之一，難道意味着祖國女性身材係最勁？難怪糖糖打開份C1，見到咁多潘霜霜之類的物體出現啦。
糖糖
訂閱：
文章 (Atom)