四千萬股獎勵員工 2011-07-18

新報
B03  |   新報財經  |   中環物語  |   By 糖糖     2011-07-18

四千萬股獎勵員工    

●康宏理財（1019）上市一周年喇，好多公司都唔會有啲乜特別慶祝，最多咪切隻燒豬食吓咁啦，但康宏就唔同，為咗同員工分享上市一周年成果，佢啲採納咗股份獎勵計劃，至於派幾多，就要視乎各人嘅服務成資同貢獻而訂。

日前佢哋就頒發咗178份獎狀畀員工作鼓勵，而根據交易所通告，康宏董事會，可以授出最多4,000萬股股份獎勵員工，真係開心。

李寧一哥地位受考驗

●國內運動品牌李寧（2331）上半年公司淨利潤錄得下降，有市場人士認為，李寧好有可能失去一哥嘅地位，甚至仲揚言喺呢一兩年內，國內嘅運動品牌會出現大洗牌添。

市場種種揣測對李寧似乎不利，不過，糖糖就認為，無錯，雖然李寧前排係備受負面消息困擾，但最緊要係管理層仲有無拼勁先係最重要，李寧作為內地一哥，有名牌效應，地位並唔會咁易受到動搖，始終都會有死硬派粉絲。

近日多名李寧高管就先後增持股份，除咗CEO張志勇外，公司首席財務官鍾奕祺，亦喺7月12號增持咗7萬股，平均每股10蚊，令持股量增持至0.07%。

http://tongtong-hkdn.blogspot.com/