聯通靠「蘋果」砌低對手 2011-05-18

聯通靠「蘋果」砌低對手

「一日一蘋果，醫生遠離我」呢句曾幾何時係致理名言，不過呢句應該要改做「一日無蘋果，朋友遠離我」！蘋果魔力驚人已係不爭事實，誰可以成功引入蘋果，就可以喺生意上打贏對手，蘋果已經係兵家必爭之物。 就好似聯通咁，之前忍辱負重，包括喺用戶補貼、包銷一定數量嘅iPhone等退讓妥協政策，同蘋果結盟抗衡競爭對手。 結果證明聯通無計錯數，大獲成功。根據廣東聯通副總經理孫達話，聯通靠iPhone奪得33%新增市場，iPhone用户銷量佔佢哋3G用户比例超10%， 遠超出公司預期目標6%。上個月，廣東聯通3G用户規模突破250萬，移動用户百元以上出帳用户佔比，由2009年尾嘅9.7%提升至2011年4月的 15%。 iPhone5電訊商爭崩頭 所以搞到家內地3大電訊商中移動（0941）、中電信（0728）同中聯通（0762）咁，家為咗iPhone5（見圖）爭崩頭咁濟。中國移動計劃引入蘋果iPhone5，將在今年9月敲定，而其餘兩大對手亦都密鑼緊鼓，正同蘋果商談引入iPhone5。 不過畀人牽住鼻子走點都唔係好事，聯通家正諗計仔逃出蘋果魔掌，減少對iPhone嘅依賴。喺近期，已經加大對iPhone以外嘅中低端手機補貼力度。除了 iPhone手機，補貼其他的熱門自訂機、普通自訂機用户都係公司的戰略行為。聯通話過，中國聯通嘅3G移動互聯網手機將陸續上市，價格會喺1,000蚊 人民幣之低。