噚日糖糖去咗大新銀行觀塘分行的開幕典禮居然有意外收穫，一向好少露面副主席王祖興Harold，居然突然現身，連公關姐姐事前都唔知，所以一時間有啲手忙腳亂，不過唔駛怕吖，Harold都唔知幾親民，作為主人家嘅佢，竟然主動幫記者斟茶遞水添。
話說開幕儀式之後，糖糖同一幫行家四圍參觀，當參觀完證券業務同傳統銀行業務之後，公關姐姐就帶住我啲去咗咗VIP服務區，意想不到嘅喺，Harold一對手拎住幾盒飲品行過來，遞俾大家，哇！真喺超級超級VIP嘅享受呀，令使糖糖有啲受寵若驚添！如果糖糖冇記錯的話，Harold真喺好少露面，所以接觸唔多。對上一次見，應該仲喺上次全年業績公布。銀行的公關姐姐見到記者咁想同Harold傾計，就話遲D一定會幫大家安排做專訪喎，糖糖希望呢張支票快啲兌現就好喇。嗱！讀者就要留意啦，睇睇呢位副主席將會點樣領導大新啦！
話時話，Harold高大靚仔，唔少女行家都暗地裡讚佢，真係有得同銀行界梁朝偉---匯豐亞太區行政總裁王冬勝有得揮，糖糖喺度諗，可能遲啲Harold都會有返個咁嘅封號都未定。
糖糖噚日真是好頻撲噶，一早就去咗中文大學聽任總的講座了。呢位昔日踲金管局總裁，對金融唔單止瞭如指掌，糖糖估唔到仲喺一位科技達人。噚日任總做演講，佢唔似一般講者企定定，而係手拎住部iPad，棟篤講，瀟灑又有型！如果以後的記者會喺咁的話，糖糖相信一定可以吸引好多人專心聽。不過，糖糖坐得好後，見唔到任總嘅iPad究竟喺第一代定第二代。
【糖糖附送：任志剛在中大演講】
沒有留言:
發佈留言