渣打Ben哥賽馬貼士準 2011-05-30



渣打Ben哥賽馬貼士準

‧噚日渣打舉辦「賽馬日」，邀請傳媒及客戶同樂。除咗賽事受歡迎之外，高層阿Ben洪丕正都好受歡迎，唔單止因為佢有問必答，更重要的喺佢好有眼光。Ben哥一到場，就話同大家講佢自己啱啱贏了一場，跟住佢就噏咗三隻馬，喺第五場的1、5、9號，結果9號同5號跑出，跟阿Ben買嘅記者，贏咗條位置Q，開心發咗個小財！記者紛紛大贊阿Ben睇馬有眼光，啲Tips果然堅，唔怪得渣打個股價同樣咁堅！



渣打冠軍暨遮打盃——阿Ben貼士準





G8要轉型挑戰G20
‧為期兩日嘅G8終於完結咗喇，有人話G8無料到，因為連自己都顧唔掂自己。以前G8呢個俱樂部等同有錢俱樂部，不過依家大部份G8成員國都被債務纏身，所以應該叫做「負債俱樂部」就差唔多！



昨日渣打賽馬日的每位入場人士，
均可以獲得馬仔造型散銀包一個



除此之外，G8之所以無料到，仲因為佢嘅角式已經唔夠G20 fight了，睇返今次G8峰會，所講嘅經濟問題都係齋講，例如喺宣言中話要繼續把重點放在加強公共財政可持續性的行動中來，所講嘅承諾完全無約束力，相比嚿年G20喺多倫多峰會上，制定到2013年前將財赤減半嘅目標，G8領導人完全無提出任何有約束力目標，真係爭得遠！連法國總統薩科齊都喺記者會上承認，G20已取代G8成為討論全球匯率和貿易問題的重要論壇。



糖糖就認為大家千奇唔好忽視咗美國總統奧巴馬喺今次峰會前，曾經強調美歐依然係當今世界舞台上的領導力量，似乎喺度暗示以美歐為首的「富人俱樂部」唔會就咁式微。加上雖然G8峰會嘅經濟論壇角色被淡化，但係佢嘅政治色彩卻變得更加濃厚，睇番今次G8峰會嘅重要議題之一，就係對阿拉伯局勢嘅討論，咦，唔通G8都要轉型？！

糖糖個博面世
‧上個禮拜講到糖糖會開博，大家可以由呢一刻起，登上http://tongtong-hkdn.blogspot.com/，睇返中環物語嘅文章，仲可以發表意見添。