秀麗．好肯躋身女富豪 2011-05-11

新報 B03  |   新報財經  |   中環物語  |   By 糖糖	2011-05-11
秀麗．好肯躋身女富豪
●《星期日泰晤士報》公布咗個千 人富豪榜，當中人和商業（1387）大股東，50歲都唔夠嘅秀麗．好肯（Xiuli Hawken）（圖），以總資產10.6億英鎊（約134.62億港元），排喺女性富豪榜中第七位。好多人都未必知道人和商業係做乜東東，呢間公司係內地 最具實力嘅地下商城開發商同運營商之一。秀麗．好肯喺哈爾濱出世，大學時喺黑龍江大學修讀中國文學，畢業之後，分別喺《哈爾濱日報》同《珠海特區報》做過 5年記者，佢依家個英國姓，係跟隨英國教師老公改嘅，嫁夫隨夫移居英國。 記者出身人脈廣博 1994年係佢嘅轉捩點，秀麗．好肯喺呢年返咗中國創辦人和公司，將原來用於戰備嘅地下防空洞改建成地下商城，自此累積咗巨額財富。傳聞指因為佢有軍方背 景，因而攞到同軍事相關嘅防空洞改建工程，亦都有傳言話佢同中國政府關係密切，不過對於種種有關嘅傳聞，當時人都未有證實過。 所以糖糖幾時都話，識得人多自有人庇佑，做記者就係其中一個可以人多識廣嘅行業，無論係政府高官、上市公司主席定係城中名媛士紳，都有機會認識得到。秀麗．好肯亦都曾經做過5年記者，講唔埋佢啲人物關係就係靠嗰時建立返來，而且記者嘅人脈網絡，正正是顯出記者身價的其中一個準則。 4位數禮券吸引記者 ●講到人脈網絡，對公關呢行嚟講都同樣重要，有時啲公關為咗要吸引媒體關注及參與，都會送一些小禮物，但通常都係物輕情意重。糖糖收到風，日前有間公司活動，一早講到明會送贈到場記者某百貨公司4位數購物禮券，聽講最後都有為數唔少嘅記者出席添。