滙控慳紙慳番1億 ! 2011-05-12

新報 B03  |   新報財經  |   中環物語  |   By 糖糖	2011-05-12 標示關鍵字
滙控慳紙慳番1億
●噚日係獅子銀行第一次嘅策略日，雖然無乜大驚喜，不過當中都有啲幾得意嘅數字。節省成本係今次策略日嘅其中一個重點。歐智華話，希望可以喺未來兩年內，節省成本25至30億美金，點知俾糖糖發現，當中原來有1億係慳喺「paperwork」之上。睇唔出呢啲細微細眼嘅地方，慳埋慳埋係可以慳到咁多錢出嚟。 華爾街日報有篇評論話，中國市場係蘋果電腦未來最重要嘅一個市場之一，預計4年之後，蘋果公司的收入將有近一半來自中國。先撇除個作者手頭上已經揸位蘋果嘅股票呢一點，到底佢咁講有無可能發生呢？ 睇返啲銷售數字，喺過去6個月，中國市場佔蘋果總收入達10%，銷售額超過咗50億美金，呢個數字同嚿年同期比，足足升咗400%。但大家千奇唔好唔記得，蘋果依家喺中國，只有4家零售專賣店，同埋嚿年10月先至營業的網上商店及中國聯通（0762）。 而全球最賺錢嘅蘋果專賣店，就喺嚟自北京三里屯蘋果專賣店，超越咗紐約第五大道上的蘋果專賣店，好多業內人士相信三裡屯專賣店的年銷售額可能高達4.5億美元！而喺2012年前，會喺中國再開多20間專賣店，當中仲包括今年年底喺上海南京路開張的全球最大的蘋果專賣店。 拍賣股神巴菲特餐券 除咗蘋果產品爭崩頭之外，股神巴菲特一年一度嘅午餐會入場券，一樣咁令人流口水。所謂聽君一席話，勝讀10年書，更何況嗰個係股神巴菲特呢！所以每年都會引來全球激烈嘅競投。 一 年一度嘅午餐會慈善拍賣活動已經舉行到第十二屆，一直係由格萊德基金會主辦，午餐會個地點係曼哈頓牛排屋，中標者可以帶多7個朋友仔一齊同巴菲特食晏。有 錢有想出風頭，就唔好錯過呢個機會，下個月5號會喺拍賣網站eBay開標，10號就會截標，而起標價係約19萬4200蚊港紙，價高者得。