羅范過完冷河 做中電非執董 2011-08-17

新報
B03  |   新報財經  |   中環物語  |   By 糖糖     2011-08-17

羅范過完冷河 做中電非執董    

中電（0002）噚日公布中期業績，順便公布埋委任兩位新嘅非執董。糖糖一睇公告，都覺得有啲意外。第一位新任嘅非執董係啱啱退休的滙豐董事鄭海泉，另外一個就係前廉政專員羅范椒芬（見圖），兩位嘅董事袍金盛惠每年40萬。

仲係中電股東

高官退休後，擔任私人機構高層或者董事已經唔喺咩新鮮事，不過，公眾都好奇佢哋有冇違規。羅太做咗三十幾年嘅公務員，2007年從廉政專員退落嚟之後，原來不知不覺已經三年幾。公務員事務局亦證實，羅太已經過完「冷河」，可以名正言順拿正牌係出面揾外快，中電手腳好快，即立攞致做受薪董事。

羅太唔單止係中電非執董，而且仲係中電嘅股東添。公告話，羅太揸住16,800股中電股份，以噚日收市價68.1元計，羅太呢批貨總值114.4萬？

睇翻中電嘅介紹，羅太宜家仲擔任緊好多社會公職，除了做人大代表，仲參與好多信託基金及多個慈善機構同智庫嘅工作。

另外一位非執董鄭海泉，相信唔洗多介紹，大家都一定熟悉。呢位華人大班，??家除了係滙豐行政總裁顧問，仲喺多間公司嘅非執董，好似中電、港鐵（0066）、鷹君集團（0041）、匯賢房託（87001），佢都擔任獨立非執董，此外再身兼太古地產的非執董，大把嘢忙，真正體現咗何謂退而不休。

http：//tongtong-hkdn.blogspot.com/