小太空人鍾意「反斗」 2011-08-16

新報
B03  |   新報財經  |   中環物語  |   By 糖糖     2011-08-16

小太空人鍾意「反斗」    

●還記得《歲月神偷》裏面那個可愛嘅小朋友嘛？活在70年代，當時受到美國登月成功嘅影響，個個都希望成為太空人，探索宇宙。年紀輕輕嘅小演員拿住金魚缸扮太空人一幕，相信亦是唔少同輩人嘅經歷吧？不過，隨住時間嘅流逝，呢個夢想原來真係可以實現！

美國萬通保險亞洲之前從兩千幾個小朋友裏面，揀咗8個小太空人去受訓，噚日凱旋回港。佢地同大家分享受訓經歷，有小太空人話最難忘係太空無重狀態下反覆倒轉旋轉嘅情況，有啲就話好珍惜同其餘7個小朋友建立的友誼。不過無論點都好，呢班小朋友能夠從幾千人裏面挑選出來，接受培訓，佢哋唔單止好運，仲好有實力添！

係噚日嘅滙報表演上，呢班小太空人充分表演咗佢們嘅多才多藝，有人拉提琴，有人就唱歌，有人表演話劇。

楊海不滿被指通脹推手

●內地通脹猛於虎，有傳媒指責收費公路措施推高了企業物流成本，故為推高通脹的元兇之一，深圳高速（0548）董事長楊海話自己對此「想來想去也弄不明白」，因為公路收費一路以來都有，點解在無通脹或甚至通縮的時候，無人來對此措施作指責，偏偏??家有人作出如此番言論。

他又話，深圳高速其實唔係單單目標要賺錢，去年底公司嘅「綠色通道免費政策」增至16個項目。

王維基信心爆棚

●城市電訊（1137）噚日搞記招，不嬲都語出驚人嘅主席王維基再次嚇親記者朋友。話說城電大搞多媒體業務，佢話佢嘅人生「第三個事業」，仲講明佢個人會全力投入。雖然王生本人就信心爆棚，但記者們對於新業務未必一定睇好。

有記者行家問，好多間電影都話大陸市場前景好、潛力大，但至今成績都係麻麻地，點解咁有信心？王維基聽完，第一句就反問：「你覺得我叻唔叻先？」但當時有幾部電視台既CAM影住，記者都唔好意思即場答，經過幾番推搪記者哥哥終於避開鏡前一劫。

http：//tongtong-hkdn.blogspot.com/