英皇金融搵專家指點迷津
英 皇金融證券集團日前就搞咗個「如何轉『危』為『機』」座談會，同啲股民分享吓下半年投資攻略，嘉賓方面就請咗英皇金融營業部副總裁羅偉文、研究部執行董事 杜冠雄，分析下貴金屬同外匯走勢，以及用技術分析下大市推測等等。唔單止咁，英皇仲邀得唔做新聞之花轉咗做輪花嘅趙海珠，教大家喺波動市中揀輪策略，難怪 吸引咗500位觀眾入場喇。
大新魔術服務VIP
●銀行競爭激烈，記者就深有體會。好似大新咁，今年以嚟，陸續推出唔同嘅信用卡，做唔同推廣，密度同有心嘅程度可以話係全港之冠，每個活動都有特色！
噚日就喺中環分行推廣佢哋全新VIP服務，食住TVB個《魔法擂臺》氣勢，大玩魔術，話要通過VIP服務，幫客戶錢搵錢，做理財管理，變多啲錢！
大新搵嚟《魔法擂臺》裏面3位得獎者，又玩啤牌，又玩開鎖，仲舞刀弄槍變魔術。神奇魔術師居然可以喺個奇異果入面變出銀紙，跟住銀紙再變一個紅心，搞到眼都花。魔術師賣口乖咁話，呢顆心喺代表大新用新為大家創富啊，符合曬大新嘅slogan！
魔 術咁好氣氛，連記者朋友都玩埋一份。敝報小記真喺好彩，俾魔術師請上台一齊玩，魔術師吩咐小記從5條鎖匙裏面揀4條，5條當中有1條係可以開到鎖。小記都 好醒，發覺其實條條鎖匙都係一樣嘅，但偏偏無一條開到。魔術師就話，因為只有VIP客戶先開到喎！於是乎就叫了一位VIP級高層來開鎖，結果一開即中！
http://tongtong-hkdn.blogspot.com
沒有留言:
發佈留言