高盛又一烏龍事件 2011-07-12

新報
B03  |   新報財經  |   中環物語  |   By 糖糖  2011-07-12

高盛又一烏龍事件 
 
●高盛「烏龍」事件停不了。事源該行喺上星期發布咗一份唱好興達國際（1899）嘅報告，作為上市保薦人，高盛喺6號出咗份報告，將間公司讚到天上有地下冇咁，話興達係內地最大子午輪胎鋼絲簾線生產商，又話佢前景好，畀埋個「確信買入」，仲要身體力行咁猛掃貨，搞到興達升咗6%，股價去到7.92元。 

點知，高盛噚日話，唔好意思，研究人員睇錯數，計錯收入，將興達目標價由9.44元削到7.83元，仲將佢剔出「確信買入」名單。就咁被高盛搞一搞，興達噚日就係咁插，足足唔見咗一成三呀，一日市值蒸發咗15.6億，真陰功！

高盛咁大間行都可以搞錯數，但居然可以憑空捏做一大堆讚美之詞，真喺吹水唔抹嘴，睇住個數嚟講大話。雖然唔喺話你有心從中獲利，而且喺香港證監會嘅嚴格監管下，量高盛都唔敢。但喺咁做法，糖糖真喺認為高盛毫無職業操守，全港股民都應該強烈譴責呢啲咁嘅不負責任行為，香港證監會都應該認真要徹查吓，還我哋啲小股民一個。


最危險女人胡舒立

●眼前戴着眼鏡斯斯文文、身材瘦弱嘅小女子，你絕對唔會想到佢就喺外國傳媒口中「中國財經界最危險嘅女人」胡舒立。佢告別《財經》雜誌後東山再起，創辦咗《新世紀》及《Caixin weekly》一中一英兩本財經新聞雜誌，繼續其「揭黑幕高手」生涯。

胡舒立覺得喺內地搞獨立媒體公司，遇到嘅問題包括國內許多資訊唔透明、約人訪問總被絕、政府宣傳部又總有重重關口要突破，遠比老外傳媒眼中複雜。對於自我審查，佢坦言一直都存在，只不過喺佢嘅觀念裏，如果成日想着咩都唔做得，就唔使喺啲行揾食，相反應該想着其他更多可行嘅報道先至較為實際。而家互聯網如此發達，一家傳媒收聲唔發放消息，第二間都會發，消息要禁止都好難。

不過，佢承認，喺大陸做記者有危險，只不過如果尋根究抵地去告訴讀者及國家嘅全部喺事實，就喺記者最好嘅保護。佢仲鼓勵眼前一班年輕記者，做幾年就應該好似佢再去讀書進修，先至可以繼續向上成為大記者。糖糖聽佢一席話，茅塞頓開。

http：//tongtong-hkdn.blogspot.com/

糖糖