新報
B03 | 新報財經 | 中環物語 | By 糖糖 2011-08-01
《藍精靈》欲沖喜華爾街悶局
●《藍精靈》十分勁,呢班友仔唔定性.....!相信大家對呢首兒歌都唔會陌生啩?為配合佢哋嘅電影喺美國時間7月30日上演,呢班來自《藍精靈》嘅3位主角Papa Smurf,,Smurfette同埋Clumsy Smurf,上周五去紐約證交所,不過唔係搞搞震,而係佢幫手敲鐘(見圖)。
3位主角去到交易所四圍走,又唱歌又跳舞,希望帶番啲歡樂嘅氣氛畀班經紀。大家都對呢3隻嘢嘅到來,都感到十分開心,但開心嘅時間總係短暫嘅!之後就開始俾美國嘅經濟搞到提心吊膽喇。話說美國股市連跌6日,上星期仲要是今年以來單星期跌幅最大嘅一周,你話班經紀唔擔心就假了。而跌市嘅最大元兇,除咗係舉債上限未達成共識外,美國經濟上半年亦都差過預期。
《藍精靈》製片就希望電影可以闊華爾街帶來好運,但睇怕都幾難喇!因為呢套電影響北美被人彈到飛起,話喺今年以來最悶的3D電影喎。
講翻套電影,香港就喺今個星期四上畫,《藍精靈》成20年冇同觀眾見面,有懷舊Feel同集體回憶,又有3D撐場,本來應該好值得期待。
http://tongtong-hkdn.blogspot.com/
沒有留言:
發佈留言