韋奕禮夜夜笙歌 2011-05-24

新報 B03  |   新報財經  |   中環物語  |   By 糖糖	2011-05-24
韋奕禮夜夜笙歌
●證監會行政總裁韋奕禮離任已經 進入倒數階段，邊一個會接棒依然未知，雖然坊間消息已經滿天飛，其中一個大熱們之一就係副行政總裁林張灼華。韋奕禮噚日喺個午餐會上，自然又被追問呢個熱 門話題。韋總話，政府有關部門正處理繼任人問題，相信揾到合適人選之後，就會公布咁話，不過糖糖都預咗會喺啲答咗等如無答嘅答案架啦。 問唔到啲乜，就唯有問吓離任感想，韋總話始終都做咗6年，所以對即將離任感到難過，不過佢不忘讚吓花香，話有幸可以喺證監會工作，而且同香港傳媒朋友同證監會一班手足共事，係一個美好經驗，盛讚證監會嘅同事非常專業。 韋總臨別都喺到猛咁稱讚班同事，所以佢啲工作夥伴都好識做。韋總話，近呢兩個星期，基本上晚晚都有薦別宴，不過唔緊要啦，佢9月1日先至喺英國返新工，仲有時間畀佢做吓運動Keep Fit！ 做國泰使者要過關斬將 ●國泰將會舉辦「綠色使者計劃」，會贊助40個嚟自各國嘅學生，喺今年8月參加港渝兩地為期8日活動，希望增加參加嘅學生哥環保同保育的認識。 呢個世界無免費午餐，如果想入選嘅話，就要過五關斬六將除咗要係16至18歲之外，要有番咁上下嘅英語書寫同會話能力，仲要曾經參加過環保同義工工作，交埋一篇短文，內容係自己定一個感興趣及與該國或者全球有關嘅保育議題。