茅台招呼記者受寵若驚 2011-05-09

新報 B03  |   新報財經  |   中環物語  |   By 糖糖	2011-05-09
茅台招呼記者受寵若驚
●早前糖糖到內地採訪，到咗晚飯 時間，有位內地官員喺枱底膠袋中攞咗支酒出嚟，話今晚好高興，一於開支白酒高興一翻；糖糖一聽白酒二字，面色開始帶青，事關內地官員個個酒量驚人，即使千 杯不醉亦非其對手，而且拒絕飲酒代表唔畀面，正盤算如何是好之際，同行一位行家入世未深，天真瀾漫的以為「白酒」等於外國人的白葡萄酒。 而 呢位官員最後拎出來的好東西，正是「國酒茅台」，那時心情變得驚喜交集。事關茅台價格漲幅驚人，單是今年已經上漲約40%，閒閒哋一支要過千，實 非一般人所捨得飲用，加上喺上個月，喺第一屆陳年茅台拍賣會上，一支1992年產嘅「精裝漢武帝茅台酒」，以天方夜談價890萬元人民幣拍得，令茅台喺國 際酒壇嘅風頭更加一時無倆。近日中石化集團一個高層，就因為動用集團錢用咗100萬嚟買茅台，搞到該集團手忙腳亂，最後要宣布免去當事人職務，事件先稍為 平息。 喺A股上市嘅貴州茅台發言人曾經表示，由於受自然條件嘅限制，茅台酒產量有限，一瓶年份酒製作流程至少需要5年，正因為物以罕為貴， 所以一酒難求，價格自然高企。貴州茅台加價狠，貴州茅台酒股份有限公司賺到盤滿砵滿，嚿年貴州茅台淨利潤50.51億元，同比增長17.13%。好彩公司 都識得回饋股民，根據2010年年報嘅利潤分配預案顯示，以2010年末總股本94,380萬股為基數，對公司全體股東每10股派送紅股1股、每10股派 發現金紅利23元（含稅），共分配利潤22.65億元，剩餘116.381億元留待以後年度分配。所以糖糖當時見到支茅台時嘅心情，又點會唔又驚又喜吖。